ઓખા

ઓખામંડળ તાલુકાનું મુખ્ય મથક દ્વારકા ગોમતી નદીના કિનારે આવેલું છે. ઓખામંડળ ત્રણ બાજુથી સમુદ્ર તટ ધરાવતો ગુજરાતનો એક માત્ર તાલુકો છે.

– ઓખા મંડળ તાલુકામાં દ્વારકાધીશ મંદિર તથા મંદિરનાં બે દરવાજા (મોક્ષ દ્વાર અને સ્વર્ગ દ્વાર) ઉપરાંત, વલ્લભાચાર્યની બેઠક, રૂકમણીજીનું મંદિર, ભડકેશ્વર મહાદેવનું મંદિર વગેરે દ્વારકાના જોવાલાયક સ્થળો છે.

– હનુમાનજીનું પુરાણ પ્રસિદ્ધ મંદિર ‘હનુમાન દાંડી'(દાંડીવાળા હનુમાન) તીર્થ સ્થળ બેટ દ્વારકામાં આવેલું છે. શંખોદ્વાર બેટમાં આવેલું હનુમાનજીનું આ મંદિર વિશ્વનું એકમાત્ર એવું મંદિર છે જ્યાં પિતા હનુમાનજી અને તેમના પુત્ર મકરધ્વજ બિરાજે છે. દાંડી હનુમાનનો અર્થ ‘આનંદી હનુમાન’ એવો થાય છે.
–
દારુકાવન તરીકે ઓળખાતા શંખોદ્વાર બેટમાં બાર જયોર્તિર્લિંગોમાંનું એક નાગેશ્વર અહીં આવેલું છે જ્યાં શ્રી કૃષ્ણએ દ્વારકાના નિર્માણ પહેલા નાગેશ્વર મહાદેવના આશીર્વાદ મેળવ્યાં હતાં.

– ઓખામંડળ તાલુકાના ધ્રાસણવેલ ગામે સપ્તયન શૈલીમાં બંધાયેલું કાલિકા માતાજીનું મંદિર આવેલું છે. આ મંદિર 8મી અને 9મી સદીના સમય દરમિયાન નિર્માણ પામ્યું હોવાનું જણાય છે.આ ઉપરાંત ધ્રાસણવેલ ખાતે ભગવાન શંકર તેમજ સૂર્યદેવનું મગદેરુ મંદિર આવેલું છે.

–

અહીં, આઠમી સદીમાં આદિ શંકરાચાર્ય દ્વારા સ્થપાયેલ શારદા મઠ આવેલો છે (શંકરાચાર્ય એ ચારેય દિશાઓમાં કુલ 4 મઠ સ્થાપ્યા હતાં) 1. ઉત્તરમાં જ્યોર્તિ મઠ-ઉત્તરાખંડ 2. પૂર્વમાં ગોવર્ધનમઠ-પૂરી, ઓરિસ્સા 3. દક્ષિણમાં શૃંગેરી મઠ-કર્ણાટક 4. પશ્ચિમમાં શારદા મઠ-ગુજરાત. ગુજરાતની શારદા પીઠ સામવેદ સાથે સંકળાયેલ છે.

– દ્વારકામાં વસઇ ખાતે કંકણેશ્વર મહાદેવ મંદિર અને જુનાગઢી જૈન મંદિરો આવેલા છે.

– આ નગરીમાં ચૈતન્ય મહાપ્રભુ પધારેલાં હતા તથા મીરાબાઈએ પોતાના જીવનના છેલ્લા દિવસો દ્વારિકા નગરીમાં વિતાવીને દેહ છોડયો હોવાની લોકવાયકા છે.

– દ્વારકામાં આવેલ ગોમતી નદીના તટ અને પંચનંદ તીર્થને સુદામા સેતુ દ્વારા જોડવામાં આવ્યું છે.

– ટાટા કેમિકલ્સનું સૌરાષ્ટ્રનું સૌથી મોટું મીઠાનું કારખાનું મીઠાપુર ખાતે આવેલું છે. જેથી મીઠાપુરને ‘સોલ્ટ સિટી’ તરીકે ઓળખવામાં આવે છે.

–

મીઠાપુર ભારતનો પ્રથમ કોરલ રીફ ગાર્ડન બન્યો હતો.