થાનગઢ

વર્ષ 2013માં ચોટીલા અને મૂળીમાંથી થાનગઢ તાલુકો બનાવવામાં આવ્યો હતો. થાનગઢ ‘વાસુકી નાગની ભૂમિ’ તરીકે ઓળખાય છે.

– ચિનાઈ માટીના ઉદ્યોગ માટે થાનગઢ એ ગુજરાતનું સૌથી મોટું મથક છે. અહીં, ચિનાઈ માટીના વાસણો બનાવવાનું પ્રસિદ્ધ કારખાનું ‘પરશુરામ પોટરી’ થાનગઢમાં આવેલ છે.

– થાનગઢ તાલુકાના તરણેતરમાં ત્રિનેત્રેશ્વર મહાદેવના સાનિધ્યમાં ભાદરવા સુદ ચોથ, પાંચમ અને છઠ્ઠના દિવસે તરણેતરનો મેળો ભરાય છે. તરણેતરમાં વિષ્ણુ કુંડ, શિવ કુંડ અને બ્રહ્મ કુંડ આવેલાં છે.

– ચોટીલાના માંડવ વન વિસ્તારમાં ઝરીયા મહાદેવની જગ્યા આવેલી છે જ્યાં શિવલિંગ પર પથ્થરમાંથી ઝરતાં પાણીનો સતત અભિષેક થયાં કરે છે. તેથી તેને ઝરીયા મહાદેવ તરીકે પણ ઓળખવામાં આવે છે.

– થાનગઢ ખાતે સૂર્યમંદિર (સૂરજ દેવળ) અને મુનિ બાવાનું મંદિર આવેલું છે. જેમાં અષ્ટકોણીય મંડપ આવેલો છે