ચોર્યાસી

ચોર્યાસી તાલુકાનું મુખ્ય મથક સુરત છે.

– ચોર્યાસી તાલુકામાં આવેલું ડુમસ દરિયા કિનારાના વિહાર ધામ તરીકે પ્રખ્યાત છે.

– રાજગીરી ગામે આવેલો ટોમ કોરીયેટનો મકબરો ચોર્યાસી તાલુકાનું જાણીતું ફરવાલાયક સ્થળ છે.

– ચોર્યાસી તાલુકામાં આવેલું હજીરા બંદર જહાજવાડા અને બંદરીય સગવડો માટે જાણીતા છે.

– લિકિક્વફાઈડ નેચરલ ગેસનું ટર્મિનલ (LNG) ચોર્યાસી તાલુકાના હજીરા બંદરે આવેલું છે.

– ક્રિષક ભારતી કો-ઓપરેટિવ. લિ. ક્રિભકો એશિયાનું સૌથી મોટામાં મોટું રાસાયણિક ખાતર બનાવવાનું કારખાનું આવેલું છે. ઉપરાંત ESSAR કંપનીના લોખંડનું કારખાનું, L&T, રિલાયન્સ, ભારતનું પ્રથમ ગેસ આધારિત સ્પોન્જ આયર્નનું કારખાનું જેવા મોટા પાયાના ઉદ્યોગો આવેલા છે.
–
સુરત ખાતે આવેલ લાર્સન એન્ડ ટુબ્રો (L&T) દ્વારા હજીરા બંદર ઉપર વેપારી જહાજો ઉપરાંત નેવી અને કોસ્ટ ગાર્ડના જહાજો બનાવવામાં આવે છે.

– તાજેતરમાં 8 નવેમ્બર, 2020 ના રોજ પ્રધાનમંત્રી નરેન્દ્ર મોદી દ્વારા સુરતના હજીરા બંદરેથી ભાવનગરના ઘોઘા બંદર સુધી રો-પેકસ ફેરી સેવાનો શુભારંભ કરવામાં આવ્યો અને નવનિર્મિત રો-રો ટર્મિનલનું વર્ચ્યુઅલ લોકાર્પણ કરવામાં આવ્યું. આ સેવાથી સૌરાષ્ટ્ર જવા માટે 10 થી 12 કલાકની માર્ગ મુસાફરી આ રો-પેકસ ફેરી દ્વારા ફકત 4 કલાકની થઈ જશે ઉપરાંત ઘોઘા-હજીરા વચ્ચેનું અંતર લગભગ 370 કિમી છે જે ઘટીને સમુદ્ર રસ્તે માત્ર 90 કિમી જેટલું થઈ જશે.